RSS

பூஜ்யம்

வாழ்வின் முதல் பாதி…
கற்பதில் கழிகிறது…

பின்பாதி…
கற்றவை யாவும்
தவறென்று
உணர்வதில்
கழிகிறது…

மொத்தத்தில்…
இறுதி படுக்கையில்
உறங்கையில்…

முழு பூஜ்ஜியமாய்…

தொடங்கிய புள்ளியிலேயே…

ஐக்கியமாகிறது…
ஆன்மா!!!

 
Leave a comment

Posted by on December 1, 2015 in Uncategorized

 

குருட்டு குதிரைகள்

ஓடுங்கள் குதிரைகளே ஓடுங்கள்…

வழியில் கிடைக்கு எச்சல் உணவிற்கு ஆசைப்பட்டு…
ஓடுங்கள்…
இன்னும் வேகமாய்…

இலக்கில்லா பயணத்திலே
எட்டி வைத்து ஓடுங்கள்…

எவனோ ஒருவன் சொடுக்கும் சாட்டைக்கு அடங்கி…
தன்மானமின்றி ஓடுங்கள்…

ஓட்டத்திற்கு அடிமைபட்டுவிட்ட நொண்டி குதிரைகளே…
கண்ணை மூடிக்கொண்டு ஓடுங்கள்!

வரும் ஒரு நாள் வாழ்க்கையிலே…
இளைப்பும் மூப்பும் …

ஓட்டத்திலிருந்து ஒதுங்கவோ…
ஒதுக்கப்படவோ நேரும்…

அன்று…
வெறும் ஓட்ட போதைக்கு ..
அடிமைப்பட்ட மனது…
ஆக்கும் உன்னை…
ஒன்றுக்கும் ஆகாத …
பிண்டம் என…

அன்று உணர்ந்து
என்ன பயன்…

கழித்தாயிற்று…
இளமை எல்லாம்…
எச்சல் சோற்றுக்கு கையேந்தும்
பிச்சைக்காரனாய்…

ஓடவும் முடியாமல்…
வேறெதுவும் செய்யவும் தெரியாமல்…

வெறும் ஜடமாய் …
செத்தும் போவாய்…
பத்தோடு இன்னொன்றாய்…

இதை படிக்க கூட…
நேரமின்றி…
ஓடு
குதிரையே…
ஓடு !!!

 
Leave a comment

Posted by on November 28, 2015 in Uncategorized

 

சுவரில்லா சித்திரம்

சொல்ல சொல்ல கேக்காம…
சொல்லை சட்டை செய்யாம…
சேத்துவச்ச காசயெல்லாம்…
மொத்தமாக எடுத்து போயி…
வாங்கி வந்தான் உண்டி ஒன்னு…
வாலுப்பய சின்னராசு!

சந்தோசமா எடுத்து வந்து…
சாமிகிட்ட வச்ச பின்னே…
உண்டியில போட இப்போ…
அஞ்சு காசு இல்லையேன்னு…
தெருக்கோடி கேக்கும்படி…
கதறுகிறான் பொரண்டு பொரண்டு!!

எல்லாத்தையும் பாத்துக்கிட்டு…
எகத்தாளமாதான் சிரிக்குது…
மூலையில குந்தி கெடக்கும் …
மஞ்ச வண்ண உண்டியது…

சித்திரத்தை வாங்கி பின்னே…
சுவத்த தேடும் சன்மமேன்னு!!!

 
Leave a comment

Posted by on August 17, 2015 in Uncategorized

 

இள முதுமை

வயதாகிவிட்டது நண்பா…

mp3 கூட கனக்கிறது…
முப்பது loginகளை மூன்று passwordகள் வைத்து காலம் தள்ளுகிறேன்…
குழந்தைகளின் குதூகல சத்தம் கூட இரைச்சலாய் கேட்கிறது…
சுழி கோலம் கூட நேராய் இருக்கலாமென தோன்றுகிறது …

மனைவி அழகாயிருப்பதை கூட அங்கீகரிக்க மறந்து விடுகிறேன்…
ரஜினி படம் கூட போரடிக்கிறது …
லொள்ளு சபாவிலும் மனது லாஜிக் பார்க்கிறது …
MS Word இல் கூட பக்க கணக்கு பார்க்கிறேன்…

நட்பாய் ஆணும் பெண்ணும் பேசுவது கொலை குற்றமாய் தெரிகிறது …
நமக்கு தெரிந்தது கூட மோடிக்கு ஏன் தெரியவில்லை என மனம் அங்கலாய்க்கிறது …
அப்பா அழகாய் தெரிகிறார்…
சகோதிரிகளுக்கு பொங்கல் பணம் அனுப்ப தோன்றுகிறது…

தத்துவங்கள் பிடிபட ஆரம்பித்திருக்கிறது….
நாத்திகம் பேசுதல் குறைந்திருக்கிறது …
இளமை காதலில் காமம் தூக்கல் என்பதும் , முதுமை காமத்தில் காதல் தூக்கல் என்பதும் விளங்குகிறது…
அறிவுரைக்கவும் அறிவுரை கேளாதிருக்கவும் கேடயமாய் வயது பயன்படுகிறது…

இன்னும் இளமையாயிருக்கிறாய் என எதேச்சையாய் எவனோ சொன்னது திருக்குறள் வாசகமாய் கேட்கிறது…

பெண்கள் சகஜமாய் பேசுகிறார்கள் …
நவீன தொழில்நுட்ப தகவல்கள் பிறர் சொல்ல கேட்டு கொள்கிறேன்…
Youtubeஇல் பூஜை புனஸ்காரங்கள் பற்றியும் தகவல் உள்ளதென கண்டறிகிறேன்…

ஏதும் சாதிக்காமலேயே செத்து விடுவோமோவென்ற பயம் முதன்முதலாய் எட்டி பார்க்கிறது …
அழிக்க முடியாதது சாதி என்ற அப்பட்ட உண்மை புரிகிறது …
பரிமாறப்பட்ட பதார்த்தங்கள் ஒவ்வொன்றின் மூலப்பொருட்கள் பற்றி ஆராய்கிறது மனது …

ராஜாவா ரஹ்மானா என்பதில் ராஜா அறுதிப்பெரும்பான்மையில் வென்றார் …
பிறந்த தேதி கேட்கப்படுகையில் நாளும் மாதமும் மட்டுமே கூறுகிறேன்…
சமூகத்திற்கு ஏதேனும் நல்லது செய்ய வேண்டுமென ஞானம் உதிக்கிறது…
பூசி மொழுகும் பேச்சுக்கள் பிடிக்காமல் போகின்றன…

இவை எல்லாம்தான் வயதாகியதன் அறிகுறியாயின்…

வயதாகித்தான் விட்டது போலும் !!!

 
Leave a comment

Posted by on March 29, 2015 in Uncategorized

 

தல

தப்பியிருக்கலாம்…
சில தருணங்களில் …
தம்பிரான் புண்ணியத்தால்!

போயிருக்கலாம்…
பல பொழுதுகளில்…
தரித்த பாகையோடு !

பிழைத்த கணங்கள் யாவையும்…
பிழையாய் கிட்டிய பிச்சைகள் !

பிசகலாம் எப்போது வேண்டுமாயினும்…
இயற்கையின் இம்மி கருணை !

அப்படி ஒன்றும் அவசியமில்லை கேசம்…
சுவாசத்தை காட்டிலும் !!

அணிவோம் தலை கவசம் !!!

 
Leave a comment

Posted by on March 24, 2015 in Uncategorized

 
Image

Naked Reality

image

 
Leave a comment

Posted by on March 16, 2015 in Uncategorized

 

Pass on

Pass on

 
Leave a comment

Posted by on August 25, 2014 in Uncategorized

 
 
Follow

Get every new post delivered to your Inbox.